Ungdomstrinn Kompetansemål

Tal og algebra

Mål for opplæringa er at eleven skal kunne:

• samanlikne og rekne om heile tal, desimaltal, brøkar, prosent, promille og tal på standardform, og uttrykkje slike tal på varierte måtar
• rekne med brøk, utføre divisjon av brøkar og forenkle brøkuttrykk
• bruke faktorar, potensar, kvadratrøter og primtal i berekningar
• utvikle, bruke og gjere greie for metodar i hovudrekning, overslagsrekning og skriftleg *rekning med dei fire rekneartane
• behandle og faktorisere enkle algebrauttrykk, og rekne med formlar, parentesar og brøkuttrykk med eitt ledd i nemnaren
• løyse likningar og ulikskapar av første grad og enkle likningssystem med to ukjende
• setje opp enkle budsjett og gjere berekningar omkring privatøkonomi
• bruke, med og utan digitale hjelpemiddel, tal og variablar i utforsking, eksperimentering, praktisk og teoretisk problemløysing og i prosjekt med teknologi og design

Geometri

Mål for opplæringa er at eleven skal kunne:

• analysere, også digitalt, eigenskapar ved to- og tredimensjonale figurar og bruke dei i samband med konstruksjonar og berekningar
• utføre og grunngje geometriske konstruksjonar og avbildingar med passar og linjal og andre hjelpemiddel
• bruke formlikskap og Pytagoras’ setning i berekning av ukjende storleikar
• tolke og lage arbeidsteikningar og perspektivteikningar med fleire forsvinningspunkt ved å bruke ulike hjelpemiddel
• bruke koordinatar til å avbilde figurar og finne eigenskapar ved geometriske former

utforske, eksperimentere med og formulere logiske resonnement ved hjelp av geometriske idear, og gjere greie for geometriske forhold som har særleg mykje å seie i teknologi, kunst og arkitektur

Måling

Mål for opplæringa er at eleven skal kunne:

• gjere overslag over og berekne lengd, omkrins, vinkel, areal, overflate, volum og tid, og bruke og endre målestokk
• velje høvelege måleiningar, forklare samanhengar og rekne om mellom ulike måleiningar, bruke og vurdere måleinstrument og målemetodar i praktisk måling, og drøfte presisjon og måleusikkerheit
• gjere greie for talet p og bruke det i berekningar av omkrins, areal og volum

Statistikk, sannsyn og kombinatorikk

Mål for opplæringa er at eleven skal kunne:

• gjennomføre undersøkingar og bruke databasar til å søkje etter og analysere statistiske data og vise kjeldekritikk
• ordne og gruppere data, finne og drøfte median, typetal, gjennomsnitt og variasjonsbreidd, og presentere data med og utan digitale verktøy
• finne sannsyn gjennom eksperimentering, simulering og berekning i daglegdagse samanhengar og spell
• beskrive utfallsrom og uttrykkje sannsyn som brøk, prosent og desimaltal
• vise med døme og finne dei moglege løysingane på enkle kombinatoriske problem

Funksjonar

Mål for opplæringa er at eleven skal kunne:

• lage, på papiret og digitalt, funksjonar som beskriv numeriske samanhengar og praktiske situasjonar, tolke dei og omsetje mellom ulike representasjonar av funksjonar, som grafar, tabellar, formlar og tekst
• identifisere og utnytte eigenskapane til proporsjonale, omvendt proporsjonale, lineære og enkle kvadratiske funksjonar, og gje døme på praktiske situasjonar som kan beskrivast med desse funksjonane