1P Kompetansemål

Tal og algebra

Mål for opplæringa er at eleven skal kunne:

• gjere overslag over svar, rekne praktiske oppgåver, med og utan tekniske hjelpemiddel, og vurdere kor rimelege resultata er
• tolke, tilarbeide, vurdere og diskutere det matematiske innhaldet i skriftlege, munnlege og grafiske framstillingar
• tolke og bruke formlar som gjeld daglegliv, yrkesliv og programområde
• rekne med forhold, prosent, prosentpoeng og vekstfaktor
• behandle proporsjonale og omvendt proporsjonale storleikar i praktiske samanhengar

Geometri

Mål for opplæringa er at eleven skal kunne:

• bruke formlikskap og Pytagoras’ setning til berekningar og i praktisk arbeid
• løyse praktiske problem som gjeld lengd, vinkel, areal og volum
• bruke varierte måleiningar og målereiskapar, og analysere og drøfte presisjon og målenøyaktigheit
• tolke og framstille arbeidsteikningar, kart, skisser og perspektivteikningar knytte til yrkesliv, kunst og arkitektur
• lage og kjenne att mønster av like eller ulike former som kan fylle heile planet

Statistikk, sannsyn og kombinatorikk

Mål for opplæringa er at eleven skal kunne:

• lage døme og simuleringar av tilfeldige hendingar og gjere greie for omgrepet sannsyn
• berekne sannsyn ved å telje opp alle gunstige og alle moglege utfall frå tabellar og ved å systematisere oppteljingar og bruke addisjonssetninga og produktsetninga i praktiske samanhengar

Funksjonar

Mål for opplæringa er at eleven skal kunne:

• undersøkje funksjonar som beskriv praktiske situasjonar, ved å fastsetje skjeringspunkt, nullpunkt, ekstremalpunkt og stiging, og tolke den praktiske verdien av resultata

omsetje mellom ulike representasjonar av funksjonar

• gjere greie for omgrepet lineær vekst, vise gangen i slik vekst og bruke dette i praktiske døme, også digitalt

Økonomi

Mål for opplæringa er at eleven skal kunne:

• rekne med prisindeks, kroneverdi, reallønn og nominell lønn
• gjere lønnsberekningar, budsjettering og rekneskap ved hjelp av ulike verktøy
• berekne skatt og avgifter
• undersøkje og vurdere forbruk og ulike høve til lån og sparing ved hjelp av nettbaserte forbrukarkalkulatorar